昔日東方馮盈盈𢭃後輩利是
藝人馮盈盈今個農曆新年會跟媽媽學整蘿蔔糕，她指這個是嫲嫲祖傳下來，又直言會學習媽媽的廚藝，將來親自下廚煮給子女品嘗：「我媽咪整嘅蘿蔔糕唔單止好味，連大廚食過都話好好味，直情可以攞出去賣。」
出席聚會成焦點
問到新年會否四出拜年？她透露計劃回家鄉恩平：「我鄉下有個長輩叫六叔公，90幾歲，但身體非常健康，趁新年返鄉下探佢。」她又指每次出席家族聚會，自己均會成為焦點：「通常都係話你最近個節目我有睇，你套劇我有追，講吓我工作上嘅表現。至於感情生活，我啲親戚又冇話喺呢方面畀好大壓力，之不過我自己都感受到嘅。」她解釋：「有啲表妹、堂妹都已經結咗婚，其中一個表妹喺結婚之前仲講過，話要等年紀大啲嘅姐姐都結婚，佢先可以結婚，唔可以爬頭，我話你千祈唔好咁諗，因為我都唔知幾時結，千祈唔好等我，所以佢上年結咗婚，依家就有啲輩份低嘅親戚派利是畀我。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
