昔日東方何依婷升呢「阿太」忙得開心
無綫小花何依婷去年底與圈外男友於印尼峇里島舉行浪漫婚禮，正式成為人妻的她，今年首次以「林太」身份四出辦年貨，依婷笑言事業型女性原來十分忙碌：「除咗要兼顧事業，又要大掃除、買揮春、糖果，仲有賀年禮盒，屋企又要貼揮春，年三十晚同大年初一又要諗屋企食啲乜，原來做家庭主婦真係好難㗎！」
雖然忙得不可開交，但依婷直言忙得開心，尤其老公對她十分包容，全程陪伴，甜蜜又幸福。問到今年首次派雙封利是有何感覺？她表示：「係開心事嚟嘅。（預幾位數？）唔知呀，對我嚟講係無上限，最緊要開心。」
現年30歲的依婷直言仍年輕，故不擔心被催生B，又指現今科技發達，將來亦可以考慮雪卵：「如果做高齡產婦之前都生唔到，我會雪，仲有4、5年事業衝刺，我驚太早生咗小朋友之後會後悔，事業冇得返轉頭嘛！」
去年依婷挾劇集《新聞女王》人氣急升，問到可會相約同劇團隊團拜，她說：「應該會約嘅，但暫時未約實。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
