吳浩康做「星級導遊」 帶團玩轉曼谷

藝人吳浩康（Deep）離開舊公司後，到地盤打工養家，近日他又有新搞作，化身「星級導遊」帶團遊泰國。Deep前日在社交網分享宣傳海報，該海報印有「吳浩康唱遊泰國真『Deep』潮玩五天團」，5天團費只需5,888起，而旅行社亦表示Deep會化身星級嘉賓，帶團友遊遍曼谷好去處，Deep受訪時表示：「今次係我第一次做呢類型合作，自己都好期待，去到當地會有專業領隊同導遊帶大家。」而這次帶團，地盤工作和教唱歌豈不是要暫停？Deep表示：「我自己一早調動咗啲時間，嗰幾日唔返工，所以又唔算係請假。」