劉穎鏇挑戰做飛機師

劉穎鏇剛在台慶頒獎禮奪得「飛躍進步女藝員」獎，而在《飛常日誌》中扮演空姐的她，被網民封為「最靚空姐」。她表示拍攝過程非常開心，希望能有續集，可以再扮演空姐，或者挑戰飾演飛機師：「今次飾演空姐估唔到出嚟反應咁好，好多謝大家覺得我做得似，呢樣係做演員最開心嘅事。」她又指拍攝後對機場親切感大增：「香港機場真係好靚，下次出埠會早啲去機場周圍欣賞吓。」