林峯計劃年底開個唱

歌手林峯日前為新歌《無傷大雅》到電台接受訪問，近年主力返內地發展的他，笑言很久沒有踏足新城電台：「耐到我都唔記得咗。不過我覺得好親切，但冷氣好凍。」曾於2016年舉行第5次個人演唱會的他，指近年藝人很犀利，表演時可飛天遁地，又指雖現時多了可容納5萬觀眾的啟德體育園新場館，但他依然獨愛紅館：「睇過好多四面台場地，始終覺得紅館好有凝聚力，每一次喺紅館綵排，都鍾意瞓喺地板望上去，就算未有觀眾入場都感受到力量。」又大爆或將於年底舉行個唱，見近年樂壇出現實力派後輩，也想和同公司的陳蕾合作。