湯寶如愛犬做動物醫生

歌手湯寶如昨日出席《動物醫生20周年誌慶暨宣誓就職典禮》活動，家有4隻貴婦犬的她說：「佢哋全部都係動物醫生，我多數帶最細9歲嗰隻去老人院做義工，佢好乖，任摸唔嬲，不過我嗰幾隻狗都老，最大年紀嗰隻都15歲，又白內障睇唔到嘢，所以都唔帶佢哋出嚟，天氣咁凍，畀佢哋喺屋企休息吓。」又謂就算愛犬將來百年歸老，都會繼續養狗，因有狗在身邊，感覺很幸福。同場還有1988年獲「最受佳麗歡迎獎」的前港姐丘碧瑜，她表示近年主力從事寵物移民的工作，亦嘗試開拓優質貓狗糧的生意，總之生活都是圍繞毛孩。