王卓淇Cafe更衣惹麻煩

前港姐亞軍王卓淇離開無綫後主力在內地發展，轉型做網紅的她日前在廣州一間Cafe打卡，卻發生小風波。她透露當日在Cafe拍下不少靚相，臨走時去了洗手間更衣，打算轉場去另一間餐廳，豈料遭店員攔截：「佢話『小姐，你換咗衫，我要定義你為商拍，咁就要Check你嘅相機，由你入門口第一分鐘開始，每個鐘我哋係Charge兩百蚊嘅，兩個鐘應該係要400蚊左右。』我就話換咗衫但一張相都冇影喎，同埋我真係唔係商拍，係同姊妹嚟打卡。」經過一番解釋，店員最後作罷，王卓淇特此提醒網民要加倍注意。