麥詩晴變壞求突破

港姐出身的麥詩晴向來以乖乖女形象示人，日前是其27歲生日，她在社交網上載多張靚相，身穿性感吊帶裙躺在沙灘晒美腿，女人味滿瀉。她接受本報訪問時說：「我特登影呢輯相慶祝生日，因為好多人覺得我係傻妹妹，所以想試吓做啲同真實自己好唔同嘅角色，希望嚟緊會多啲機會突破自己，就算做壞女孩都可以。」她在熱播中的新劇《飛常日誌》飾演客戶服務部員工，幾可亂真，她說：「拍嗰陣勁多遊客過嚟問我哋點登機，又問洗手間同餐廳喺邊，我諗我哋扮得太似，當時我都有真答。」