片場玩即興 王子涵最難忍笑

金剛在劇中的角色「阿九」，是宋世傑由細玩到大的好友，為人單純帶點傻氣，不時撞板，跟宋世傑的性格剛好一凹一凸。至於王子涵飾演「小鳳」，性格兇神惡煞，跟玲瓏的關係親如家人，她稱拍攝最難是要忍笑：「因為我笑點好低，對住金剛已經忍唔到，聽到佢講對白就想笑，佢令現場充滿笑聲。最難忘係大家好多時候都唔會跟足劇本做，會現場改劇本，即改即做，覺得好玩又學到嘢。」