何依婷主婦唔易做 辦年貨迷惘

依婷受訪時，對被指星運強當然大感高興：「希望有多啲新角色帶畀大家，新一年有幾套劇拍，亦有內地工作。（因為《新聞女王》爆紅？）係呀！《新聞女王》紅出香港！」上月升呢人妻的她，笑指現時事業比生B重要：「努力工作咗先，其實同老公都係隨緣。（長輩冇催要抱孫？）佢哋都非常隨和。」

談到首次以人妻身份過新年，她笑言以往有家人準備，今年由自己打點感到有點迷惘：「前幾日同老公出去辦年貨，都幾得意，原來做家庭主婦係咁多嘢要買嘅，哈哈！」

至於月頭才拉埋天窗的尹新杰，直言心急想生個「龍寶寶」：「非常之想，仔同女都OK！」身旁太太則笑指已預備好，不過比較想生B女。