教做戲顯視后風範 佘詩曼攬實何依婷 粉碎不和傳聞

同時阿佘又配上長文，點名大讚對方：「想講吓呢個妹妹仔何依婷，第一日『新聞女王』圍讀畀我嘅印象係唔係好出聲，但係有主見嘅，跟住到第一日開工手騰腳震但係好畀心機嘅，忍唔住話畀佢聽應該點做，連續開咗兩日後佢同我講：『哦…原來演戲係咁嘅』果然係學霸，好聰明，依家出嚟嘅成績，大家有目共睹，唔錯吖我曾經都係新人，新人係需要大家嘅包容同埋慢慢接受，大家一齊畀啲時間佢啦！徐曉薇我期待你嘅蛻變唔好令Man姐失望，加油！」阿佘出手打破不和傳聞，如此識做又得體，難怪深受台前幕後及粉絲愛戴。