方力申被尹光玩謝

藝人方力申（小方）和尹光昨日出席慈善單車記者會，尹光轉數快，玩謝小方，他們表示3月17日會出席並參與善舉，一起挑戰13公里路。小方自爆去年睇流年，相士指他不能踩車，故只出席開步禮，今年未約到師傅睇流年，故未知能否踩車，尹光爆爛Gag：「約唔到師傅睇流年，我請你食榴槤。」問去年有否睇姻緣？小方即刻失憶，尹光不放過小方：「我等緊你請飲，希望你2024年搞掂，到時免費幫你唱歌做嘉賓。」小方表示就算今年批他結婚大旺，也不應太迷信：「去年相士係救我一命，如果今年話我唔結婚就會死，咁就信囉！講笑啫！」尹光又取笑說：「佢又話信，依家又話太過迷信，佢係雙性。」尹光去年在樂壇交出亮麗成績表，今年沒有想過再創高峰，只會繼續唱，認為唱歌有助身心及五臟六腑健康。