Kenny撥髮撩謝安琪 張繼聰踩場：我老婆……

祖兒老友關智斌（Kenny）早前一樣遇上無妄之災，因家居漏煤氣導致面及手二級燒傷，令Fans大為緊張，幸他已完全康復，日前在社交網分享ViuTV劇集《法與情》番外篇。劇中專呃富婆的他相當入戲，拖着劇集女主角謝安琪（Kay）深情對望兼互撥頭髮，甜度爆燈，不少網民都想知Kay老公張繼聰有冇睇到眼火爆，而「本尊」張繼聰亦「踩上門」回應：「我老婆係好鍾意靚仔，你睇佢現實生活？唔通貪我有才華咩？」相當搞笑，Kenny大讚他是「男人天花板」，難得對方曲線讚自己，要請食飯報答一番。