蔣家旻馬志威 拉扯互摑

藝人蔣家旻、馬志威繼2013年合作葉念琛電影《第一次不是你》後，近日於電影《不是你不愛你》再合作，他們表示已有10年冇見面，但拍攝互攬或吵架互摑戲時，都非常信任對方，默契十足。其中一幕拉扯戲，蔣家旻被抓得手臂留下紅印，馬志威遂不停道歉，她笑說：「除咗你，我唔會畀其他男演員咁掂我，如果佢哋整到我咁樣紅晒，我一定唔會饒恕佢！」馬志威亦賣口乖：「我都唔會饒恕佢！」今次再合作，2人互讚Keep得好，又感謝葉念琛再次「撮合」，馬志威笑言希望下次可試演母子角色，嚇到蔣家旻碌大雙眼，以行動Say No！