吳浩康重踏舞台 送飛畀地盤兄弟

為生活做地盤工的歌手吳浩康被網民稱為「職安真漢子」，昨日他宣布喜訊，下月24日元宵節於水上樂園AQUALAND舉行演唱會，重返舞台。早前他停工一天影海報，出動私伙安全帶爬高爬低，還落手落腳裝拆欄杆，非常專業。他表示會送飛給地盤兄弟睇騷，但囝囝年紀小，不會上台做嘉賓，擔心會扭計。對於網民將他與張致恒比較，他說：「作為兄弟，大部分人畀佢呃過嘅嘢，我都畀佢呃過喇！做朋友唔多講，只想畀佢嘅家庭同成長留番啲空間。」