保錡拍片發放正能量

「宇宙天團」ERROR成員保錡昨日為ViuTV全新節目《公司冇逼我跑馬拉松》宣傳。他受訪時表示早前離世的前主播柳俊江會在其中一集出現，坦言得悉對方離世感到惋惜：「唔開心一定有，之前喺社交網都分享過佢對我嘅改變。」他表示會永記與對方相處的點滴，又指大家訓練期間主要討論跑步，未有談及私事：「私底下都有見面，但主要傾運動嘅突破，同點樣將『跑會』再擴大，其實佢係超級無敵正面，嚟緊我都會繼續拍更多正能量嘅片。」問到會否幫忙處理對方身後事？他表示對方親人會處理。