未獲圈外對象體諒 無疾而終 馮盈盈寧願落「單」 設2年Dry期

盈盈昨日就有關傳聞回覆本報，她澄清指自上一段公開的戀情以來，沒有再認真開展一段新關係，但坦承：「我作為一位適婚年齡女性，有正常社交、認識新朋友，都係好合理。小方（方力申）係公認嘅好男仔，但佢依家已經有位好好嘅女朋友，感情穩定，大家就無謂再講我同小方，以免影響到佢哋。另一方面，我早前已經喺森美主持嘅電台節目《公子會》講過，呢段時間我有嘗試跟圈外對象互相了解同相處過，後來發現大家性格不合，對方無法體諒我工作上嘅難處，所以就無疾而終，冇再進一步發展。」

盈盈認為開展新關係之前，需要認真花時間相處及互相了解，故此一日未找到可以付託終生的對象，她也會低調處理感情事，但承諾若到了談婚論嫁階段，必定向大家公布好消息。不過，她揚言已下定決心未來兩年都不會拍拖：「我會保持單身，專心工作同讀書，即使未來兩年我遇上合適對象，都唔會開展新感情，最多做朋友。一切戀情事要等兩年後，等我先讀好我想讀嘅書、做好我想做嘅事。」