頒獎禮食白果 Edan當叉電

近日忙於本月演唱會的男團MIRROR日前齊集《叱咤樂壇頒獎禮》，但12子中只有姜濤及陳卓賢（Ian）有獎，呂爵安（Edan）得知不少粉絲擔心他「食白果」而失落，在頒獎禮完結後，即返家開直播跟粉絲吹水。Edan指為得獎歌手高興，又視「叱咤頒獎禮為叉電機」：「見到人哋好叻、好努力，都激勵自己努力啲，試吓可以唱好啲（歌），好好鼓勵（自己），睇完騷即刻覺得充滿力量，希望唔好聽日唔記得呢種感覺。」又透露演唱會中不會騷腹肌，同時因是團體演唱會，所以壓力不算太大。網民追問他有否拍拖？他大方回應：「冇呀！單身！」