姜濤《叱咤》唱得兩次 森美拆解謎團

藝人森美前晚出席活動，提到日前姜濤憑《濤》奪得「叱咤十大」歌曲獎及「我最喜愛的歌曲大獎」兩個獎，事後有網民質疑為何姜濤當晚只唱兩次歌，反而張敬軒唱了3次，森美解釋：「我哋獎項有兩種，一種係歌曲獎，另一種係歌手獎，如果歌曲獎之前攞咗，首歌就唔會唱多次，就好似姜濤嘅情況，因為佢攞嘅係歌曲獎，後尾『我最喜愛的歌曲』都係歌曲獎，咁所以都係唔會再唱，中間再唱多次因為佢要拉票；而張敬軒攞嘅係『人獎』，『至尊歌曲大獎』係播放率最高嘅獎，咁佢就冇嗰首歌攞獎，就係個人攞獎，所以佢就揀咗首歌唱，佢再攞『我最喜愛的男歌手』又係『人獎』，又要唱一隻，我哋叫呢啲做『人獎』，就可以唱兩次，不過張敬軒上年只派一首歌，仲有幾個嘅Version，因為佢係『人獎』嘅關係就可以再唱多次。」