何沛珈冒寒拍劇 靠劉佩玥送暖

前港姐何沛珈日前於寒流襲港時為無綫劇集《非份之罪》拍外景，雖然天氣寒冷，但卻暖在心頭，她感激劉佩玥送暖：「劉佩玥好好，準備咗好多好多暖包畀大家，務必要我哋黐到成身都係，暖笠笠！我因為晏少少到，所以買咗消夜，串燒、糖水、雞翼同煲定薑茶，同大家分享。」她已習慣為拍劇捱夜：「頂得住嘅，總之一唔使拍就昏迷瞓餐飽，一要開工就彈起身。」