假期忙打理生意 龔嘉欣親自落舖串場

花旦龔嘉欣剛拍畢無綫新劇《企業強人》，隨即返港打理經營的餐廳，忙個不停。之前在內地開工兩個多月，近日即忙於處理屋企的事，她接受訪問時說：「其實返嚟一直未停過，呢幾日聖誕節假期我都有去舖頭幫手，因為見到大家都好忙，希望可以幫輕吓。」她表示亦有跟閨蜜陳凱琳一家相聚慶祝：「我哋每年都會開Party，食蛋糕、火雞，大朋友傾吓偈，小朋友就圍埋一齊玩，好開心。本來我想去旅行過白色聖誕，但真係趕唔切，等我再計劃吓先。」