欣宜佳節倍思親

歌手鄭欣宜近年在頒獎禮掃獎，事業如日方中之際，今年初卻傳出「有獎都唔攞」，連續缺席多個頒獎禮，又在社交網徹底消失，直到早前為動畫配音才蒲頭。聖誕節凌晨時分，她上載兒時與媽咪沈殿霞的合照，寫道：「聖誕節係一個與家人同你愛嘅人度過嘅節日，可能因為咁，所以呢排成日夢見你。我哋要好好珍惜同親人一齊度過嘅每一個機會。」並祝大家聖誕快樂。相中的欣宜頭戴聖誕飾物，拖着媽咪站在台上，如今物是人非，令人唏噓。