羅啟豪感激龍婷助陣

《中年好聲音》第一季季軍羅啟豪昨日為活動擔任表演嘉賓，吸引近百名粉絲到場支持。日前剛完成處男個唱的他明顯有點聲沙，他笑言未試過一次過唱20多首歌，加上為個唱忍口個多月，當晚完騷便即往慶功大擦一番：「食炸嘢，好鍾意食香口嘢，成個月冇食。」他坦言由籌備至開騷只有一個月時間，能順利完成已相當滿意，自覺仍有很大進步空間，又感謝好友龍婷能擔任嘉賓：「佢把聲靚，打扮又靚，唱情歌真係一流。」