余香凝囝囝百日宴 罕晒全家福

藝人余香凝（Jennifer）於今年9月誕下囝囝Clement，前日她網晒Clement百日宴相片，罕有地分享一家4口全家福。百日宴以恐龍為主題，她表示：「細佬百日宴。去到現場即刻眼大大周圍望，開始有BB話，望住家姐，我就知道BB真係大得好快，好快你就識得行，識得講嘢，識得自己食飯，識得唱歌跳舞。」另外，Jennifer還感觸道：「媽咪爹哋家姐同埋一班好錫你嘅屋企人同朋友，會繼續陪伴你，見證你每一個成長，希望你繼續健康快樂平安咁長大，做一個善良、有愛心、樂觀積極嘅人，希望你繼續同家姐相親相愛，我們愛你。」