黃貫中最愛朱茵內在美

藝人朱茵日前與丈夫黃貫中（Paul）為新一年拍攝造型照，Paul放閃表示多年來最欣賞賢內助的內在美，而朱茵就網民發起的「一人一個靚到癲嘅女明星」投票中，自己成功躋身第7位「謝票」，感到十分光榮：「大家仲記得我，對我嚟講係一個好大嘅支持。其實靚真係各花入各眼，冇一定準則，我覺得最緊要係有自信、心情要開朗，所以我盡量保持好心情。」至於新一年工作安排，朱茵表示會繼續挑選好劇本，Paul則將推出花去10年籌備的唱片。