陳楨怡化身美人魚撞爆嘴

前港姐陳楨怡在內地劇集《戀戀紅塵》中有一場扮美人魚一躍落水的戲份，她指為了這場戲，當時不停做Gym，連有碳水化合物的食物也全戒掉。而這場戲亦成為她人生中最難忘的一場戲：「人生第一次怕落水戲，場戲好有難度，因為要着住美人魚衫，兩隻腳綁埋一齊，半潛水咁拍攝，喺水底仲要閉氣同埋睜開眼，最難係要一take過，如果唔係妝同髮型就唔連戲。」雖然有替身，但她為效果好，堅持親身上陣，不過躍入泳池時卻不慎撞到池底，要忍痛繼續拍攝，直到停機才發現嘴唇撞腫流血：「好彩順利一次完成，但係個嘴腫咗，之後拍攝都要用深色唇膏遮住。」