戴祖儀被寸陪跑 運動裝當戰衣？

戴祖儀與何沛珈齊齊入圍台慶頒獎禮「飛躍進步女藝員」10強，祖儀昨日在台上落力拉票，恨獎恨到出口。受訪時，她笑指試過被爸爸取笑「陪跑」，問她是否會穿運動衫及波鞋出席頒獎禮，她自覺今年表現大躍進，一劇接一劇，戲份亦愈來愈多：「提名都未夠開心，希望攞到獎會真正開心。今年我會扮靚、着性感啲，希望可以上台啦！」講到最近同時接拍3劇，當中拍《非份之罪》更要親身拍攝碌落山戲份，她說：「原本有替身，武指睇得起我，碌咗3次，真正『飛躍』，但係左邊身有瘀痕，手指公就發炎。」