翠如撐拐杖開工 楊茜堯顯視后風範 劇本不離手

楊茜堯近日復出拍劇，在內地為無綫新劇《黑色月光》開工，早前百忙中提早為囝囝Eden慶祝2歲生日。昨日她在社交網大晒慶生的全家福及留言：「寶貝仔，你長大得好快，一下子就2歲了，但媽媽還未抱夠你，你和家姐已急不及待地長大了，現在的你，我抱得有點吃力，但媽媽還是喜歡抱着你，雖然你已不斷推開我。你今年生日，媽媽要工作，未能陪你度過，只能簡單地和你慶祝，希望你每一天都開心快樂，健健康康，我們每一個都很愛你！Happy birthday！」見她為囝囝預備了小朋友至愛的Baby Shark公仔蛋糕，非常有心思，不少網民讚Eden眼大大，似足爸爸羅子溢，絕對是潛力股！而姐姐「小珍珠」亦擁有一雙大眼睛，又攬實弟弟錫錫，相當有愛。楊茜堯昨日接受本報訪問時說：「驚一開工就冇時間，所以之前提早同細佬慶祝。」

提到日前有網民在內地商場偶遇她開工，見她邊行邊拿着劇本念念有詞，相當用心，劇中飾演她姊妹的黃翠如及楊卓娜則孖住密密斟，楊茜堯開心說：「我今日都喺內地拍攝，各方面都好順利，天氣好好，大家合作得好開心，翠如同我家姐都有做足功課，咁啱嗰日我攞住劇本經過啫！其實我未同佢哋正式有深入啲嘅場口，好期待，因為今次真係有好多新嘗試。」而翠如拍攝時拿着拐杖，似是角色設定。