家事無礙工作 張兆輝大讚好老公

藝人張兆輝與吳鎮宇早前與彭發合作電影《困獸》，張兆輝昨日接受本報訪問時，坦言之前已知彭發太太患病，但未聽他提起經濟出問題。張兆輝讚彭發對太太很好，亦有見過對方：「佢成日提起太太，會講太太鍾意食榴槤，好錫老婆。我哋喺內地開完工，佢都會即刻返香港陪老婆。」問到之前拍《困獸》時，彭發工作上有否受影響？他說：「咁又冇，電影人通常一埋首工作就會好投入，有工開就係一種開心、快樂，投入工作可能會令佢煩惱減少。正如我自己一樣，我拍電影其中一個原因係可以從中減壓，不過都戥一個電影人悲哀，香港電影正值不景氣，電影人收入相對少咗，又有家人患病、工作各樣壓力，一啲都唔容易。」