湯告魯斯包場冧女撐枱腳

美國男星湯告魯斯（Tom Cruise）日前被爆與俄羅斯名媛Elsina Khayrova「一舞傾情」撻着，有傳媒踢爆靚佬湯上周五晚於倫敦一間知名餐廳包場共進浪漫晚餐，他的友人指這間餐廳是靚佬湯於當地最喜歡的餐廳之一。

雖然已包場，但據知靚佬湯為免被人騷擾而選擇在較寧靜的區域用膳。不過有一名餐廳工作人員要求他合照，即被隨行的保鏢介入阻止。有知情者爆料：「湯整晚全神貫注聽Elsina所講嘅每一句話，佢哋睇起嚟非常親密。」不計包場錢，單是晚餐就盛惠5,000港元，而靚佬湯亦十分慷慨給了1,000港元作為貼士。用膳完畢後，他們乘坐餐廳外等候的汽車離開。靚佬湯再次出招冧女，Elsina的富豪前夫Dmitry Tsetkov日前受訪時亦「贈興」，並警告靚佬湯要擘大雙眼和銀包，暗寸前妻大使。