Twins加場門票一粒鐘賣晒

組合Twins早前宣布加開4場演唱會，昨日開賣不足一小時已全部售罄！Twins兩位成員對此大感開心，阿嬌（鍾欣潼）承諾會更努力做好演唱會：「我依家慢慢瘦緊，唔想急速減，免得反彈快。」阿Sa（蔡卓妍）不敢置信，反問是真是假。

由於仍有粉絲買不到門票，問到會否再加場？阿Sa坦言：「真係唔知，睇公司啦！其實我唔抗拒，能夠同歌迷一齊喺紅館相聚好難得，依家做每一件事，都係抱住可能係最後嘅諗法去做，個人投入啲亦會更加珍惜。」由於演唱會頭場當日是阿嬌生日，不少歌迷想跟她慶祝，對此阿嬌說：「歌迷留言祝福我就夠，唔好破費買咁多蛋糕，要keep靚靚，完騷後先可以大吃大喝。」