方詩揚快閃東京 冇覺好瞓

前華姐方詩揚最近「快閃」到東京旅行3日，此行已是她今年第4次到東京，集齊春夏秋冬四季靚景。不過今次快閃之旅卻冇覺好瞓，她說：「啱啱喺加拿大返咗香港，唔夠3日就飛咗去東京，所以喺東京仲有時差問題，每日都係瞓兩三個鐘，3日只係瞓咗8個鐘，平時一日都瞓8個鐘啦。不過雖然唔夠瞓，但係今次喺東京見到好多好朋友，都玩得好開心。」