江若琳餵人奶到此為止

女星江若琳（Elanne）的兒子Owen差不多半歲大，近日她宣布結束為期5個月的餵哺人奶之旅，因此不用再戒口，故Elanne決定暫時放下兒子，與老公Oscar出埠過二人世界，她又上載和老公的甜蜜合照到社交網借機表白：「久違了的二人世界，講真呢半年我真係少咗理呢個大包（Oscar），有時好似眼尾都無望過佢，佢有時連想同我傾吓計我都無時間，但佢都無埋怨過！值得加分，所以依家就算多咗一個身份我都要學識喺老公同BB中間拎個平衡，呢幾日嘅假期係佢逼我去嘅，但我好感激佢！因為我真係好開心好Relax！！！至於BB佢喺屋企相當愉快。」字裏行間愛意濃濃。