新婚吳嘉儀放負 成櫃衫被掟出街

藝人吳嘉儀（阿七）今年8月下嫁圈外丈夫Leo，惟新婚約4個月便疑似出現危機！她在網上不停「放負」說：「唔好講幸福喇！連抖啖氣都有困難。」又接連呻道：「話我擺3支送畀家人嘅護膚品喺後座，會整花佢架車啲皮。」、「每日被話蠢話麻煩話污糟100次！」、「又唔係未試過被改密碼鎖無家可歸。」、「又唔係未經歷過畀人成衣櫃衫掟出大門。」、「要求認真反省其當欺凌作玩笑的性格問題！」雖然未有指名道姓，但綜合抱怨內容及一句「日日都對住啦，使咩維繫感情呀？」，被揣測與丈夫有關。