周秀娜跑街 唔輸畀黃宗澤

周秀娜拍攝劇集《叠影狙擊》可謂吃盡苦頭，除上武術指導課時弄斷肋骨，需休息兩個月外，其他動作場面亦不簡單，其中一個挑戰，便是要着上高踭鞋，和黃宗澤在中環狂奔，周秀娜說：「嗰場係一場槍戰，要跑，但我冇諗過，原來我要着一條好飄逸嘅裙同埋冷衫、再加高踭鞋喺條街上面跑，大家都知黃宗澤跑得好快，導演開機前專登走埋嚟同我講，想我跑快啲，貼近佢嘅速度，因為想個畫面見到我哋一齊跑。」最後她幸不辱命，獲黃宗澤讚賞「好跑得」。