一線小生「萬歲」算死草

由藝人森美、小儀及梁嘉琪主持的電台節目，近日收到自稱前TVB外判司機黃先生的爆料，指有小生未紅先囂，出外景時扮大牌不落車，又霸住座位瞓覺。黃先生又爆有一線小生表面闊綽經常「萬歲」，實則算死草相當孤寒：「有次出外景，大家去餐廳食飯，公司有30蚊飯錢做津貼，一線小生喺現場大大聲話『今日我包底』，點知事後佢同劇務講：『呢6個（司機）唔係直屬TVB員工，點解要請？』」激得黃先生即時自己付錢。森美聽完即指「同我合作過都唔係呢啲人」，期間有人問是否陳豪，森美即說：「陳豪好好人㗎！」梁嘉琪亦補充：「陳豪同馬國明都出名好人，不在名單上。」而另一位外判司機阿M亦爆料指遇過有小生聲稱請食飯，但只請車長「飲嘢」，而事實上飯餐包飲品，所謂「請飲嘢」只是「凍飲加2蚊」。