周潤發搵「偶像」集郵

周潤發夫婦昨晚以白色情侶裝到場，對於香港新進導演卓亦謙勇奪台灣金馬獎「最佳新導演」，周潤發直言不清楚：「邊個？呢排我冇時間睇，嚟緊要跑馬拉松，連山都冇行。上次跑半馬用咗2小時27分，希望今次有小進步，2小時15分能夠完成。」問到太太會否一齊跑？他笑說：「佢唔會，因為要服侍我。」活動雲集中韓日各地紅星，周潤發向來是不少藝人的偶像，問有否被集郵？他笑言大家反而是他的偶像，要去集郵，問到集了誰？他幽默說：「我集咗我老婆。」