羅家英幫汪明荃按摩 當捽藥油

汪明荃與羅家英昨日夫妻檔為《歡樂滿東華2023》錄影粵劇折子戲，汪明荃表示平日與家英哥各有各忙，難得同台演出，家英哥即揚言不及老婆忙：「我要教學生，有時去內地登台搵真銀，拍戲、踢吓波、按吓摩。」他笑言踢完波會攰，所以按摩紓緩：「我去學嘢，去體驗生活，體驗吓按摩手法。（有冇幫阿姐按？）有，當捽藥油。」問到如何評價家英哥的手勢，汪明荃笑說：「佢OK，唔OK下次唔畀佢去！」