余香凝氹老公嫌麻煩 禮物3合1

余香凝昨晚偕童星黃梓樂在銅鑼灣出席聖誕活動，她指兩個月大的囝囝太細，所以今年會全家留港過節：「我哋會搵人影全家福，因為聖誕係一家人嘅節日，所以好重視，會影啲靚相留念，由大女出世已經有呢個傳統。」她會親自買禮物給家人，但結婚周年紀念、聖誕節及情人節只會送一份禮物給老公：「咁就唔使送3份咁麻煩，心意大啲就算，但食飯就要分開食。」