瑪歌羅比爆《Barbie》冇續集

由澳洲女星瑪歌羅比（Margot Robbie）主演的《Barbie芭比》自7月開畫後大受歡迎，最終全球票房大收14.42億美元（約113億港元），成為今年票房冠軍。今年8月曾一度傳出電影公司準備開拍續集，不過身兼演員和監製的瑪歌近日受訪時「放風」續集好大機會拍唔成！

她表示：「我認為我哋已投放了所有喺呢一套戲。我哋最初都冇預電影會拍成三部曲或其他。Greta（導演）傾盡所有去呢套戲，所以我唔能夠想像下一部會係點！」同時有很多部電影等瑪歌「埋位」，其中《盜海豪情》（Ocean's Eleven）外傳已經製作中，她將會與「阿Ken」賴恩高斯寧（Ryan Gosling）再度合作。