點名讚張敬軒 尹光自爆報細數

歌手張敬軒、姜濤、陳卓賢、盧瀚霆與尹光打入叱咤「我最喜愛的男歌手」5強，「光B」尹光與34C性感女神樂宜前晚到維園表演，大受歡迎的尹光答謝觀眾力推他打入5強，自言攞獎就「唔敢諗」：「完全估唔到！得失冇所謂，最緊要身體健康，我嚟香港攞身份證報細咗幾歲，其實依家79歲喇！」又表示若然得獎，會邀大家上台，特別是歌手林家謙及張敬軒：「同軒公好Friend，好耐以前同佢登台已經話佢好好聲，大把前途，好想唱佢嘅歌，但唱唔到咁高音，要返去練，我睇好佢攞獎。」他又讚姜濤唱歌好聽。