金燕玲兩度患癌少出街

藝人金燕玲有份參演英皇電影《不日成婚2》，日前她與導演陳茂賢受訪，陳茂賢表示因為晚間重播她主演的無綫劇《畢打自己人》，立即認定由她演「奶奶」。金燕玲笑言：「我都好奇點解搵我演出，依家搞到我要多謝TVB喇！」金燕玲提到自己是癌症康復者，試過兩度患癌，怕去人多地方，她稱：「化療、電療，可以切除嘅要做嘅都做晒！希望唔好返轉頭，兩次癌症，令自己有好多唔同睇法，以前成日唔黐家，病咗覺得屋企好舒服，依家好少約人出街，唔會亂花錢，會珍惜所擁有嘅嘢。」她讚戲中「兒子」陳家樂和「新抱」衛詩雅十分乖巧又捱得：「我覺得佢哋都合格，當然都有進步空間。」