尹光否認胸襲林明禎

有讀者爆料指近期人氣急升的歌手尹光（光B），日前孖馬國女神林明禎出席活動時涉嫌鹹豬手，其手掃過女方玉背外，還疑似觸碰到她的胸部。昨日光B出席銀行活動時否認抽水：「我都幾十歲人，唔會做亦唔會諗呢啲嘢，嗰日我係有拖佢手，不過係佢叫我拖嘅；亦都有掂到佢背脊，但只係想叫佢行埋啲，我太太都在場，佢會𥄫實我。」並坦言已習慣這種傳聞，因常被指為唱鹹濕歌的不文歌手：「宣傳演唱會接受訪問，傳媒叫我表演做掌上壓，點知出嚟個報道就話我做埋呢啲（鹹濕）動作。」