倪晨曦慌張踩錯油門

女星倪晨曦為ViuTV節目《晚吹-一車女人》擔任主持，以女性角度分享與車有關的秘聞趣事，笑言當年剛學駕車的時候，曾試過太緊張而踩錯油門：「因為老公係咁同我講嘢，令到我有少少躁底同慌張，跟住唔小心一嘢踩咗落油門，但已經即刻踩番煞車。雖然老公喺隔籬講咗好多嘢，但都真係令到我小心咗好多。」她以往於加拿大駕駛主要是方便自己，但現在是為接送小朋友返學及出外遊玩。