衛詩雅拒為愛犧牲：冇咁偉大！

藝人陳家樂與衛詩雅主演的英皇電影《不日成婚2》，是兩年前首集的延續篇，2人分享對婚姻的睇法。剛於今年「做老襯」的家樂，坦言現時追求穩定：「我同角色好唔同，角色唔係好知想要啲咩，冇諗過點樣進化同女朋友嘅關係，而我就希望早啲結婚，穩定啲，畀到多啲信心自己同身邊嘅人。」片中默默付出的衛詩雅，謙稱難以像角色般不停犧牲：「角色係付出型，好大愛，為咗男朋友可以犧牲好多，現實中嘅我冇咁偉大，未必可以做到咁。」