姊妹檔拍劇 楊卓娜想鬧爆楊茜堯

繼佘詩曼獲邀回巢拍劇後，萬眾期待的另一視后楊茜堯，亦將於12月重返娘家為新劇《黑色月光》開工。前晚其家姐楊卓娜現身晚宴時表示，今次是入行多年來，首度正式與妹妹楊茜堯合作，劇中亦是飾演姊妹，她說：「我喺劇入面都係做佢家姐，聽聞職業都係KOL，同現實嘅我一模一樣，都幾好玩，不過現實同拍戲始終兩樣嘢。（咁多年都冇合作過？）好似有一場，但都係咸豐年前嘅事。（如果有鬧交場面，會唔會尷尬？）唔會，始終係拍戲，反而會將現實嘅嘢放大，落力啲鬧佢，希望有呢個機會啦！」