高海寧出力「殺人」淆底

藝人高海寧、姜皓文與黃浩然主演的馬來西亞懸疑電影《鎖戰》展開宣傳，姜皓文在怡保有物業，加上接下不少工作，預計農曆新年亦會留守當地。談到拍懸疑片，他自爆曾撞鬼：「有日喺片場瞓咗，迷糊中聽到助手叫我埋位，我個人係醒嘅，但點都郁唔到，好似畀嘢壓住，好彩附近有車響，我極力掙扎起身就冇事喇！」高海寧則「劇透」說：「交代我由香港去馬來西亞，發現一個同媽咪死有關嘅秘密，有少少復仇情節。最難忘有場戲講我出手殺人，為咗畫面真實啲，我用咗少少力，好驚整親對方。」