林宣妤恨拍劇呻冇人搵

馬來西亞女神林宣妤昨日偕演員麥沛東出席矯視中心活動，約有600度近視及散光的她，自爆3年前做手術前，因貪平而佩戴一年才需要更換的隱形眼鏡：「拍劇有時要拍大頭，但因為鏡片較厚會拍到出嚟，所以要除眼鏡，搞到矇查查。」她離開無綫後鮮有再拍劇，問到可有癮？她直認：「都想拍，但要睇劇本，同埋都冇機會，其實我歡迎任何人搵我Casting。（想唔想返無綫？）都冇人搵。」現時她積極自我增值，稍後將考瑜伽導師牌。