宣萱下顎傾斜急矯形

藝人宣萱昨日在中環出席美食活動，笑言向來為食，但又為Keep Fit而感壓力：「好在就嚟冬天，唔使露太多肉，肥少少都得，夏天就會有少少擔心。」又自爆有顎骨傾斜問題：「原來牙科都會照顧到下顎，醫生話下顎有啲向下斜，我以為係年紀大，後來戴牙膠矯咗2個月，所以大家睇起嚟覺得我瘦咗。（後悔太遲發現？）都有咁諗，如果早啲發現，可以睇起嚟瘦咗，就可以食多啲嘢。」她強調並非整容，因很怕做手術：「我每朝都有刮臉同淋巴，最重要係覺得健康咗。」