昔日東方孫慧雪一打三湊多個
藝人孫慧雪、趙璧渝及新人貝芓誼昨日以性感打扮出席美胸專門店活動，前兩者以西服「中門大開」露深坑，貝芓誼更加大晒南、北半球，受訪時一度因「走位」，被迫中斷訪問，整理一番再繼續。
談到性感打扮，阿雪表示老公有要求拍照給他過目：「平日都係佢幫我揀衫嘅，點知佢整親隻腳，其實老公最緊要我型啫。」細仔剛滿3個月，身形已似足1歲小孩，為照顧兩位囝囝她已心力交瘁，此時老公卻跌傷右腳：「佢韌帶同半月板都有事，依家打緊石膏，遲啲就要做手術。依家係一打三，湊『三個仔』（包括老公）呀！」
至於Hot爆的貝芓誼表示平日鮮有性感：「去沙灘着泳衣都冚多件T恤。（點解今次肯呢？）配合主題嘛，同埋我覺得件衫好高貴。」趙璧渝則忙於返深圳拍攝劇集《法證先鋒6倖存者的救贖》：「我都係第一次返內地拍劇，覺得地方好大，同埋工作人員好多。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
